ჩვენო ძვირფასო მკითხველებო,
Saturday Aug 28, 2010გილოცავთ წმინდა მარიამ ღვთისმშობლის მიძინების დღეს. უფალი გფარავდეთ თქვენ და ჩვენს სამშობლოს, ღვისმშობლის წილხვედრ საქართველოს.
ფიქრები მოუშუშებელ ჭრილობაზე
Saturday Aug 7, 2010ერეკლე მეორის ორგანიზაციის შექმნა გარკვეულწილად იმ ავბედით 8 აგვისტოსთანაცაა დაკავშირებული, რომელმაც ისედაც სავალალო მდგომარეობაში მყოფ რუსულ-ქართულ ურთიერთობებს უკანასკნელი საყრდენი გამოაცალა. გასული წლის 8 აგვისტო ჩვენ ამ დღის გახსენებით დავიწყეთ. შემდეგ კი ანანურში გავემგზავრეთ (იხ. http://erekle-2.ge/?p=179, “ანანური – უფლის წინაშე ყველა ცოცხალია”). წელსაც იგივეს გავაკეთებთ, ოღონდ ჩუმად და უხმაუროდ, რადგან ერთმა წელმა არც სასიკეთო და არც სახმაურო არაფერი მოგვიტანა.
ფუტკრის სკებივით სიმეტრიულად განლაგებული დევნილთა სახლები ისეთ შთაბეჭდილებას ქმნის, თითქოს აქ რაღაც ფილმს იღებენ, სადაც მთავარი გმირი არის ხალხი, რომელიც სხვებისგან განსხვავდება, რომელიც უსიტყვოდ ემორჩილება რაღაც ძალას, რომელსაც არ გააჩნია პროტესტის გრძნობა და უხმოდ მიჰყვება დინებას. რაღაცით მართლაც ჩამოგავს არქიფო სეთურის სოფელს, მით უმეტეს, რომ აქაც, არქიფოს სახლივით, ყველგან გამოირჩევა სიდიდითა და სიკაშკაშით პოლიციის შენობა. როდესმე ვინმე დიდი მწერალი და დიდი რეჟისორი ამ სიტუაციაზე ისეთივე შედევრს შექმნის, როგორიც თენგიზ აბულაძის “მონანიებაა”. თუმცა უნდა ითქვას, რომ სულიერი და ფსიქოლოგიური განწყობის თვალსაზრისით მდგომარეობა არც დანარჩენ საქართველოშია უკეთესი. ეს კი, თავის მხრივ, ჩვენს პლანეტაზე მიმდინარე სწრაფი [...]
ტრაქტატი, რომელმაც საქართველო განადგურებას გადაარჩინა…
Thursday Aug 5, 2010,,რია-ნოვოსტის” თბილისის ოფისში ერეკლე მეორის საზოგადოების მიერ და საქართველოს ხალხთა მსოფლიო კონგრესის ხელშეწყობით, გაიმართა ბროშურის “სახე ფიცისა – გეორგიევსკის ტრაქტატი” წარდგენა. ეს ღონისძიება ორგანიზატორებმა გეორგიევსკის ტრაქტატის ხელმოწერის დღეს დაამთხვიეს.
“გეორგიევსკის ტრაქტატის” სახელწოდებით ცნობილ ხელშეკრულებას რუსეთის იმპერიისა და ქართლ-კახეთის სამეფოს წარმომადგენლებმა 1783 წლის 24 ივლისს (4 აგვისტოს), ჩრდილოეთ კავკასიაში, გეორგიევსკის ციხე-სიმაგრეში მოაწერეს ხელი.
“სახელმწიფოთაშორისი ხელშეკრულებები ზოგჯერ რთული ბედის აღმოჩნდებიან ხოლმე. დროისა და პოლიტიკური კონიუნქტურის ცვალებადობა ხშირად იწვევს ხელშეკრულებათა ცვლილებას, გაუქმებას (თანამედროვე ენით, დენონსაციას), ნაწილობრივ გაუქმებას, აღზევებას, დაგმობას და ა.შ. გეორგიევსკის ტრაქტატი ამ მხრივ მართლაც უნიკალურია. მან ეს ყველაფერი გამოიარა და მის მიმართ ოფიციალური მოსკოვისა და თბილისის დამოკიდებულება ალბათ კიდევ მრავალჯერ შეიცვლება, იმავე პოლიტკონიუნქტურის ცვლილების გამო (ადრე თუ გვიან ეს აუცილებლად მოხდება, ასეთია ევოლუციის კანონი). მაგრამ ვერაფერი შეცვლის ქართველი და რუსი ხალხების ურთიერთდამოკიდებულებას, რაშიც ჭეშმარიტად ისტორიულ როლს გეორგიევსკის ტრაქტატი ასრულებს, თუმცა ორი ერთმორწმუნე ერის დაახლოების ისტორია სათავეს ჯერ კიდევ შორეული მე-12 საუკუნიდან იღებს” – ასე იწყება ბროშურისადმი რედაქტორის, არჩილ ჭყოიძის მიერ წამძღვარებული კომენტარი.
ბროშურა გამოიცა [...]
4 აგვისტო – გეორგიევსკის ტრაქტატის ხელმოწერის დღე
Tuesday Aug 3, 2010“ხელშეკრულება ქართლისა და კახეთის მეფის, ერეკლე მეორის მიერ რუსეთის მფარველობისა და უზენაესი ხელისუფლების აღიარების შესახებ” ფართო საზოგადოებისთვის “გეორგიევსკის ტრაქტატის” სახელწოდებითაა ცნობილი, რადგან რუსეთისა და ქართლ-კახეთის სამეფოს წარმომადგენლებმა, 1783 წლის 24 ივლისს (4 აგვისტოს), ჩრდილოეთ კავკასიაში, გეორგიევსკის ციხე-სიმაგრეში მოაწერეს მას ხელი. ამ ხელშეკრულების საფუძველზე ქართლ-კახეთის სამეფო “რუსეთის მფარველობის ქვეშ გადადიოდა” – ასე წერია ვიკიპედიაში, რომელიც დღეს ყველაზე ფართოდ გამოიყენება ინფორმაციის მოპოვების თვალსაზრისით.
სახელმწიფოთაშორისი ხელშეკრულებები ზოგჯერ რთული ბედის აღმოჩნდებიან ხოლმე. დროისა და პოლიტიკური კონიუნქტურის ცვალებადობა ხშირად იწვევს ხელშეკრულებათა ცვლილებას, გაუქმებას (თანამედროვე ენით, დენონსაციას), ნაწილობრივ გაუქმებას, აღზევებას, დაგმობას და ა.შ. გეორგიევსკის ტრაქტატი ამ მხრივ მართლაც უნიკალურია. მან ეს ყველაფერი გამოიარა და მის მიმართ ოფიციალური მოსკოვისა და თბილისის დამოკიდებულება ალბათ კიდევ მრავალჯერ შეიცვლება, იმავე პოლიტკონიუნქტურის ცვლილების გამო (ადრე თუ გვიან ეს აუცილებლად მოხდება, ასეთია ევოლუციის კანონი). მაგრამ ვერაფერი შეცვლის ქართველი და რუსი ხალხების ურთიერთდამოკიდებულებას, რაშიც ჭეშმარიტად ისტორიულ როლს გეორგიევსკის ტრაქტატი ასრულებს, თუმცა ორი ერთმორწმუნე ერის დაახლოების ისტორია სათავეს ჯერ კიდევ შორეული მე-12 საუკუნიდან იღებს.
გეორგიევსკის [...]
მაიაკოვსკის დღე ბაღდათში
Monday Jul 26, 2010კვირას, 25 ივლისს, რუსულ-ქართული ურთიერთობების ორგანიზაციათა კავშირმა ბაღდათში მაიაკოვსკის დღე ჩაატარა. ეს საოცრად ლამაზი ადგილია. ხის ძველი სახლი პირდაპირ ტყის პირას დგას, ხოლო რამდენიმე ნაბიჯში ხმაურიანი და სწრაფი მთის მდინარე – ხანისწყალი მიედინება. მუზეუმის მისასვლელთან, მთის ფერდობზე, პოეტის თეთრი ქანდაკება დგას, რომელიც კიდევ ერთხელ შეახსენებს სტუმარს იმ ნათელი გრძნობების შესახებ, რომლებიც პოეტს საქართველოს მიმართ ჰქონდა.
ღონისძიებაში მონაწილეობას ღებულობდნენ საქართველოს მწერალთა კავშირი, საქართველოს ხალხთა მსოფლიო კონგრესის თბილისის ფილიალი, ერეკლე მეორის საზოგადოება, ვ.ვ. მაიაკოვსკის მუზეუმის თანამშრომლები და ადგილობრივი მცხოვრებლები, მაიაკოვსკის თაყვანისმცემლები. მონაწილეებმა დაათვალიერეს სახლ-მუზეუმი, ყურადღებით მოისმინეს მუზეუმის დირექტორის, ბექა კუჭუხიძის შესანიშნავი მონათხრობი. მუზეუმის დათვალიერების შემდეგ მონაწილენი საგამოფენო პავილიონში შეიკრიბნენ.
თემატური საღამო გახსნა ღონისძიების ორგანიზატორმა, რუსულ-ქართული ურთიერთობების ორგანიზაციათა კავშირის თავმჯდომარემ, საქართველოს მწერალთა კავშირის წევრმა, ქ-მა ნ. წითელაშვილმა. მან დამსწრეთ მოუთხრო დოკუმენტური ფილმის შესახებ, რომელსაც მისი ხელმძღვანელობით იღებენ, მოსკოველი კოლეგების დაკვეთით. ფილმი ეხება პოეტის ბავშვობის წლებს. აუდიტორიის წინაშე გამოვიდა ბაღდათის მკვიდრი, აკადემიკოსი, გამოჩენილი ქართველი მეცნიერი მეტალურგიის დარგში ბ-ნი გ. ქაშაკაშვილი. მან აღნიშნა, რომ ბაღდათში პატივს სცემენ [...]
ევრაზიული მოძრაობის ინიციატივა
Sunday Jul 11, 2010ცხრა ივლისს პორტალზე “გეოპოლიტიკა” (http://geopolitika.ru/News/4376/) გამოქვეყნდა შემდეგი სახის განცხადება:
“ოსები და ქართველები მალე შერიგდებიან
გამოქვეყნებულია 2010-07-09 17:39:31
ევრაზიული მოძრაობა მხარს უჭერს რუსეთის პრემიერ მინისტრის განცხადებას, რომელიც მან პოკლონის მთაზე გააკეთა, სადაც ნათქვამია, რომ ქართველებმა და ოსებმა თავად უნდა გამოძებნონ საერთო ენა, რომელიმე მესამე მხარის უხეში ჩარევის გარეშე.
ევრაზიის მოძრაობა გულწრფელადაა მოწადინებული ხელი შეუწყოს ასეთ დიალოგს სახალხო დიპლომატიის დონეზე, რამეთუ ჩვენ ვთანამშრომლობთ სვადასხვა არასამთავრობო ორგანიზაციედბთან, როგორც ცხინვალში, ისე თბილისში. ჩვენ მიგვაჩნია, რომ საწყის ეტაპზე ორივე მხარეს შეიძლება მოიძებნოს სამოქალაქო ორგანიზაციები, მაგალითად ისეთი, როგორიცაა ერეკლე მეორის საზოგადოება და დავით სოსლანის საზოგადოება, რომლებიც არასოდეს გამოსულან ერთურთის წინააღმდეგ და დელიკატური და ურთიერთმისაღები მეთოდებით ცდილობდნენ საერთო ენის გამონახვასა და ადრინდელი ურთიერთობების აღდგენას საერთო კეთილდღეობის მიზნით.
ამ ორგანიზაციებმა მრავალჯერ განაცხადეს, რომ ისწრაფვიან ოსებსა და ქართველებს შორის პირდაპირი ურთიერთობების დამყარებისკენ.
ევრაზიული მოძრაობა მათ სთავაზობს დახმარებას ურთიერთობების დამყარებაში და დარწმუნებულია, რომ როგორც კი პირველი ყინული გალღვება, ისინი თავად შეძლებენ დიალოგის გაგრძელებას უფრო არსებით დონეზე.”
ერეკლე მეორის საზოგადოება დიდად აფასებს მისი მეგობრების ნდობას და მათ მზადყოფნას დახმარება [...]
ცოდნა საუკეთესო ხიდია
Monday Jul 5, 20102010 წლის 5 ივლისს, რია ნოვოსტის თბილისის ოფისში დიპლომები გადასცეს რუსული ენის კურსების მსმენელებს. პროექტი – “ცოდნა საუკეთესო ხიდია” ერთობლივად განახორციელეს საქართველოს ხალხთა მსოფლიო კონგრესის თბილისის ფილიალმა და ერეკლე მეორის საზოგადოებამ. პროექტი დააფინანსა რუსეთში მოღვაწე ქართველმა ბიზნესმენმა და მეცენატმა, საქართველოს ხალხთა მსოფლიო კონგრესის პრეზიდენტმა, ალექსანდრე ებრალიძემ. ერეკლე მეორის საზოგადოებამ დიდი მადლობა გადაუხადა ალექსანდრე ებრალიძეს პროექტის განხორციელებაში გაწეული დახმარებისთვის, ასევე რუსულ-ქართული გაზეთისა და პოეტური ალმანახის სერიების დაფინანსებისთვის, რომლებსაც ეს ორგანიზაცია უშვებს. “ჩვენ ასევე მადლობას ვუხდით ყველას, ვინც გვერდში გვიდგას ამ პროექტების განხორციელებისას, ვისთვისაც სულერთი არ არის რუსულ-ქართული ურთიერთობები. ცოდნა სინათლისა და სიმდიდრის გარდა, როგორც მას ილია ჭავჭავაძე უწოდებდა, საუკეთესო ხიდიცაა. სამწუხაროდ ჩვენ ვერ შევძელით ყველა მსურველის დაკმაყოფილება, რაც თავისთავად მისასალმებელია, რადგან მიუთითებს, რომ ქართველ ახალგაზრდებს რუსული ენის შესწავლა აქტუალურად მიაჩნიათ. დღეისათვის 200-მდე მსურველია ჩაწერილი, რომლებიც ახალი კურსების დაწყებას ელოდებიან. ჩვენ კვლავ მივმართავთ თხოვნით ქართველ და რუს ბიზნესმენებს, ფონდებს, კერძო პირებს, დახმარება გაგვიწიონ კურსების დაფინანსებაში” – აღნიშნა ერეკლე მეორის საზოგადოების თავმჯდომარემ, არჩილ [...]
ჩვენი პოზიცია
Monday Jun 28, 2010პარასკევს, 25 ივნისს, გამთენიისას, გორში სტალინის ძეგლი მოხსნეს. ღამით. გორელებისაგან მალულად. იქ მყოფ გორელებსაც და ადგილობრივი ტელევიზიის ჟურნალისტებსაც “საკადრისი” მიუზღეს. სტალინის ჩამოხსნილ ძეგლს ნაციონალური მოძრაობის აქტივისტმა თავზე ხელი წამოარტყა და ბელადი დატუქსა, ალბათ უფროსების დასანახად და დაწინაურების მოლოდინში, თორემ წაქცეული ძეგლის ცემა რა კაცის საკადრისია. დილით ხელისუფლების წარმომადგენლები გვიმტკიცებდნენ, თუ რაოდენ გონივრული და მათ შორის, ეკონომიკურად მომგებიანი იყო ამ ნაბიჯის გადადგმა. დღეიდან თურმე ტურისტების ტალღა მიასკდება გორს, არადა ჩვენი საზოგადოების წევრები თავად შეესწრნენ როგორი გაოგნებით უყურებდნენ დაცარიელებულ პოტსდამენტს სტუმრები ისრაელიდან.
სტალინის ეპოქა (ეპოქა – და არა სტალინი) მისთვის დამახასიათებელი სისასტიკითა და სხვა მანკიერი მხარეებით რომ არ უნდა განმეორდეს, ესეც აქსიომაა. მაშ რაშია საქმე, რატომ აქვს ამ საკითხთან დაკავშირებით ერეკლე მეორის საზოგადოებას ხელისუფლებისაგან განსხვავებული პოზიცია (და ამ პოზიციას საქართველოს მრავალი მოქალაქე იზიარებს, ზოგი გამოხატავს, ზოგს ეშინია, ზოგსაც კიდევ – ეზარება, დაიღალა ხალხი!).
შეიძლება მავანს (და ჩვენს კონკრეტულ შემთხვევაში, უპირველეს ყოვლისა, ხელისუფლებას) სტალინი შეიძლება არ მოსწონდეს, მაგრამ იგი ჩვენი ისტორიის ნაწილია და მას უპირველეს [...]
ქართველი ერი ჩვენთვის მოძმე ერია
Monday Jun 21, 2010ჩვენი ვებგვერდის სტუმარია ცნობილი პოლიტოლოგი და ანალიტიკოსი ისრაელიდან, ავიგდორ ესკინი.
ბატონო ავიგდორ, გაზეთის “ერეკლეს გზა” და იტნერნეტ პორტალის www.erekle-2.ge მკითხველები ინსტერესით ეცნობიან თქვენს პუბლიკაციებს. მათი თხოვნით გადავწყვიტეთ რამდენიმე შეკითხვით მოგვემართა თქვენთვის იმ საკითხებზე, რომლებიც მსოფლიოში ამ ბოლო დროს მიმდინარე მოვლენებთანაა დაკავშირებული.
ჩვენს მკითხველებს და სხვებსაც აინტერესებთ, როგორ უნდა მოიქცეს ისრაელი და საერთოდ მთელი მსოფლიო, რათა ირანმა ვერ შეძლოს ატომური იარაღის წარმოება? ექნება თუ არა რაიმე შედეგი რამდენიმე დღის წინათ გაეროს მიერ დამტკიცებულ ახალ ემბარგოს ირანის წინააღმდეგ, რომელმაც ხელი უნდა შეუწყოს ირანის ატომური პოტენციალის შემცირებას?
ირანის პრეზიდენტი მრავალჯერ გამოვიდა ისრაელის განადგურების მუქარით. უნდა ითქვას, რომ ასეთი საქციელი უპრეცედენტოა და ამან უნდა გამოიწვიოს ირანის უბრალოდ გარიცხვა გაერთიანებული ერების ორგანიზაციიდან. თუმცა მსოფლიოში ორმაგი სტანდარტებია გაბატონებული, რომლებიც დღეს იმათ წინააღმდეგაა მიმართული, ვინც მხარს უჭერს სიმართლეს და ბიბლიური ყოფის პრინციპებს. ამიტომ ისრაელმა მტკიცედ უნდა იმოქმედოს საერთაშორისო მასმედიასთან. ისრაელი ვალდებულია განაიარაღოს ახმადინეჯათი. თუ იქ ხელისუფლება შეიცვლება, მაშინ ჩვენ დავსხდებით მოლაპარაკების მაგიდასთან. ჩვენ მათთან ნამდვილად გვაქვს სასაუბრო თემები.
უძველესი დროიდან ქართველები და [...]
თ ხ ო ვ ნ ა
Friday Jun 18, 2010სრულიად საქართველოს კათოლიკოს-პატრიარქს, უწმიდესსა და უნეტარეს
ილია მეორეს
2010 წლის 7 მაისს დაპატიმრებული მართლმადიდებელი ახალგაზრდების მხარდამჭერთაგან
თქვენო უწმიდესობავ,
ჩვენი დღევანდელი მოკრძალებული მსვლელობა კვლავ იმ ახალგაზრდების მხარდასაჭერად ეწყობა, რომლებიც პოლიციამ დააკავა და სასამართლომ ორთვიანი წინასწარი პატიმრობა შეუფარდა 7 მაისს ტელეკომპანია „კავკასიასთან“ მომხდარი ინციდენტის გამო, რომელიც გამოიწვია ერთი უწესო წიგნის „კავკასიის“ ეთერში განხილვამ. საყოველთაოდ ცნობილია, რომ ინციდენტის დროს ამ ახალგაზრდებს არც იარაღი ჰქონიათ და არც სხეულის სერიოზული დაზიანება მიუღია ვინმეს.
მიუხედავად ამ ახალგაზრდების მხარდამჭერთა მრავალგზის მცდელობისა, მდგომარეობა მათ სასიკეთოდ არ შეცვლილა, პირიქით, ერთ-ერთი მათგანის, ზვიად ბლიაძის მამა, ასეთი მოულოდნელი ელდისაგან გარდაიცვალა, ხოლო თვით ზვიადს უკიდურესად დაუმძიმდა მხედველობასთან დაკავშირებული პრობლემები და სასწრაფო ჰოსპიტალიზაცია ესაჭიროება.
ეს ახალგაზრდები სასამართლოს ელოდებიან მხოლოდ იმის გამო, რომ ვერ მოითმინეს იესო მაცხოვრის, ღვთისმშობლის, სულიწმინდის გმობა, ვერ მოითმინეს დედის (თუნდაც სხვისის) შეგინება, ვერ მოითმინეს უბრალოდ უხამსობა და უწესობა. ამ ახალგაზრდების საპატიმროდან გამოშვებას მხარს უჭერენ არა მხოლოდ მართლმადიდებლები, არამედ მრავალი სხვა კონფესიის წარმომადგენლებიც, ვისთვისაც ძვირფასია მაღალზნეობრივი მარადიული ღირებულებები, ვისთვისაც მომავალი თაობის უბრალოდ წესიერად აღზრდა უპირველესი [...]
თუ ,,კავკასია” დემოკრატიული ტელევიზიაა, განსხვავებული აზრის გამოთქმის საშუალებას რატომ არ გვაძლევს?
Thursday Jun 17, 2010 17 ივნისს 12 საათზე ქაშუეთის ეკლესიიდან საპატრიარქომდე გაიმართება აქცია, რომლის მიზანია ტელეკომპანია ,,კავკასიაში” მომხდარი ინციდენტის შედეგად დაპატიმრებული ახალგაზრდების განთავისუფლება. ამის გამო რამდენიმე კითხვით მივმართეთ ერეკლე მეორის საზოგადოების თავმჯდომარეს არჩილ ჭყოიძეს.
- ბატონო არჩილ, ერთმანეთთან აიგივებენ სახალხო მართლმადიდებელ მოძრაობასა და ამ 8 დაკავებულ ადამიანს. იქნებ განგვიმარტოთ, რა მიზანს ისახავს ეს აქცია და ვინ მონაწილეობენ მასში?
- 17 ივნისს დაგეგმილი აქციის მიზანია იმ 8 დაპატიმრებული ადამიანის განთავისუფლება, რომლებიც ციხეში სხედან მხოლოდ იმის გამო, რომ დაუპირისპირდნენ უფლისა და ჩვენი წინაპრების მგმობელებს. ქვეყანაში სხვადასხვა კატეგორიის პატიმარი არსებობს – პოლიტპატიმრები, უკანონო პატიმრები, ისეთნი, მცირე დანაშაულის გამო რომ იხდიან 10, 12, 15 – წლიან სასჯელს. მაშინ, როდესაც მკვლელები პირდაპირ პრეზიდენტის შეწყალებით გამოდიან ციხეებიდან. ასეთ ფონზე გაგვიჩნდნენ ახალი – მართლმადიდებლობის გულისთვის დაპატიმრებული ადამიანები.
მრავალ გაზეთსა და ჟურნალში, ასევე სატელევიზიო გადაცემაშიც შეგხვდებათ, რომ ამ 8 დაკავებულ ადამიანს მხოლოდ სახალხო მართლმადიდებელთა კავშირთან აიგივებენ. სინამდვილეში მათ შორის სხვადასხვა ორგანიზაციების წარმომადგენლები არიან, თუმცა ახლა ეს არ არის აქტუალური. მე პირადად ამ მოძრაობის არც [...]
დავიცვათ ჩვენი სიწმინდე და ზნეობა
Sunday Jun 13, 2010უკვე ერთ თვეზე მეტია რვა ახალგაზრდაა დაპატიმრებული ტელეკომპანია ”კავკასიასთან” მომხდარი ინციდენტის გამო, რომელიც, მკრეხელობას რომ თავი დავანებოთ, უბრალოდ უწესო წიგნის ამ ტელეარხზე განხილვას მოჰყვა. ერთ-ერთი მათგანის, ზვიად ბლიაძის მამა, ასეთი მოულოდნელი ელდისაგან გარდაიცვალა, ხოლო თვით ზვიადს უკიდურესად დაუმძიმდა მხედველობასთან დაკავშირებული პრობლემები და სასწრაფო ჰოსპიტალიზაცია ესაჭიროება.
ჩვენ ვგმობთ ყოველგვარ ძალადობას ან ზეწოლას მასმედიის საშუალებებზე, მაგრამ ასევე ვგმობთ ჩვეულებრივი მოქალაქეების მიერ თავისუფალი აზრის გამოხატვის ჩახშობას. ეს ახალგაზრდები სასამართლოს ელოდებიან მხოლოდ იმის გამო, რომ ვერ მოითმინეს იესო მაცხოვრის, ღვთისმშობლის, სულიწმინდის გმობა, ვერ მოითმინეს დედის (თუნდაც სხვისის) შეგინება, ვერ მოითმინეს უბრალოდ უხამსობა და უწესობა და თავიანთი პროტესტი კანონისთვის მიუღებელი ფორმით გამოხატეს (თუმცა ზოგიერთ მათგანთან დაკავშირებით ესეც სადავო საკითხია).
ამ ახალგაზრდების საპატიმროდან გამოშვებით დაინტერესებული უნდა იყვნენ არა მხოლოდ მართლმადიდებლები, არამედ ნებისმიერი კონფესიის წარმომადგენელები, ვისთვისაც სულერთი არ არის მორალი და მომავალი თაობების მაღალზნეობრივად აღზრდა.
სწორედ ჩვენი სარწმუნოებისა და ზნეობის დამცველი ბიჭების დასაცავად 17 ივნისს, დღის 12 საათზე, ვიკრიბებით ქაშვეთის ტაძართან, საიდანაც გავემართებით საქართველოს საპატრიარქოსკენ და მივიტანთ ჩვენს მოკრძალებულ თხოვნას [...]
მიმართვა ჟურნალ-გაზეთების რედაქციებს
Saturday Jun 12, 2010უკვე ერთ თვეზე მეტია რვა ახალგაზრდაა დაპატიმრებული ტელეკომპანია ”კავკასიასთან” მომხდარი ინციდენტის გამო, რომელიც ერთი მკრეხელური და უბრალოდ უწესო წიგნის ამ ტელეარხზე განხილვას მოჰყვა. ერთ-ერთი მათგანის, ზვიად ბლიაძის მამა, მოულოდნელი ელდისაგან გარდაიცვალა, ხოლო თვით ზვიადს უკიდურესად დაუმძიმდა მხედველობასთან დაკავშირებული პრობლემები და სასწრაფო ჰოსპიტალიზაცია ესაჭიროება.
8 ივნისს, ამ ვაჟების მხარდასაჭერად, მდუმარე მსვლელობა გამართეს სახალხო მართლმადიდებელთა კავშირის, მოძრაობის – “წინ” და ერეკლე მეორის საზოგადოების წევრებმა. ეს მდუმარე აქცია სრულიად მშვიდობიანად, ყოველგვარი მოწოდებების ან ხმამაღალი ლოზუნგების გარეშე დასრულდა ტელეკომპანია კავკასიის შენობასთან.
სამწუხაროა, რომ ბეჭდური მასმედიის ზოგიერთმა წარმომადგენელმა არასწორი შეფასება მისცა ამ მსვლელობას. გუშინ, 10 ივნისს, მათ ტელეკომპანია “კავკასიის” მხარდამჭერი მიტინგი გამართეს და დაგმეს ჩვენს მიერ ორგანიზებული აქცია, შეაფასეს იგი როგორც ზეწოლა მასმედიის საშუალებაზე. საბედნიეროდ, არავის უთქვამს, რომ ვინმეს ხელი შევუშალეთ ჟურნალისტურ საქმიანობაში, თორემ უკვე გაზიარებული გვექნებოდა ჩვენი მართლმადიდებელი ძმების ბედი.
ჩვენ ვგმობთ ყოველგვარ ძალადობას ან ზეწოლას მასმედიის საშუალებებზე, მაგრამ ასევე ვგმობთ ჩვეულებრივი მოქალაქეების მიერ თავისუფალი აზრის გამოხატვის ჩახშობას. ეს ახალგაზრდები სასამართლოს ელოდებიან მხოლოდ იმის გამო, რომ ვერ მოითმინეს [...]
პრესრელიზი
Friday Jun 11, 20102010 წლის 12 ივნისს, დღის 12 საათზე, ერეკლე მეორის საზოგადოების თავმჯდომარე არჩილ ჭყოიძე და მოძრაობის “წინ” ერთ-ერთი ლიდერი ზურაბ ჩაჩანიძე აწყობენ ბრიფინგს მასმედიის წარმომადგენლებისთვის. ბრიფინგზე გაკეთდება კომენტარები იმ ბრალდებების შესახებ, რომლებიც ზემოაღნიშნულ და სხვა არასამთავრობო ორგანიზაციებს წაუყენა ბეჭდვითი მასმედიის ზოგიერთმა წარმომადგენელმა, ამ უკანასკნელთა მიერ ტელეკომპანია “კავკასიის” მხარდასაჭერად გამართულ მიტინგზე.
ბრიფინგზე გავრცელდება მიმართვა ჟურნალ-გაზეთების რედაქციების მიმართ.
ბრიფინგი გაიმართება ერეკლე მეორის საზოგადოების ოფისში, უზნაძის ქ. #15
დამატებითი ინფორმაციისათვის დარეკეთ:
950364; 899 722347
დემოკრატია არ ნიშნავს ,,თავისუფლების ინსტიტუტის” დიქტატურას!
Wednesday Jun 9, 2010ტელეკომპანია “კავკასიაში” 7 მაისს მომხდარი ინციდენტის შემდეგ დაპატიმრებულთა განთავისუფლების მოთხოვნით ,,სახალხო მართლმადიდებლურმა მოძრაობამ,” არასამთავრობო ორგანიზაციებმა და პოლიტიკური პარტიების ახალგაზრდული ფრთის წარმომადგენლებმა (ერთიანი ახალგაზრდული მოძრაობა “წინ”, ახალგაზრდული მოძრაობა “არა”, “ერეკლე მეორის საზოგადოება”, “ლეიბორისტები”, “თავისუფლება”, “კონსერვატორები”, “გამარჯვებისთვის”) საპროტესტო მსვლელობა გამართეს.
საპროტესტო მსვლელობა რუსთაველის გამზირიდან დაიწყო და ტელეკომპანია “კავკასიის” წინ მდუმარე აქციით დასრულდა. აქციაში მონაწილე ორგანიზაციებისა და პარტიების წარმომადგენლებმა განცხადებები გააკეთეს და შოთა აფხაიძის, გიორგი გაბედავას, რატი მაისურაძის, ლევან ჩაჩუას, ზვიად ბლიაძის, ავთანდილ ზუმბაძის, დავით შალამბერიძის დაკავებაში ბრალი “თავისუფლების ინსტიტუტსა” და ტელეკომპანია “კავკასიის” ჟურნალისტებს დასდეს. აქციის მონაწილეებმა ტელეკომპანიის შესასვლელზე გააკრეს ტრანსფარანტი წარწერით – “დარეკეთ პატრულში, ჩვენც დაგვაპატიმრონ”. ორგანიზაციის ერთ-ერთმა დამფუძნებელმა ლელიკო ჯაფარიძემ განაცხადა, რომ ისინი ტელეკომპანია “კავკასიაში” მომხდარ ინციდენტთან დაკავშირებით დაკავებული 7 ახალგაზრდის გათავისუფლების მოთხოვნით საპროტესტო აქციებს გააგრძელებენ. ერთიანი იყო შეკრებილთა სულისკვეთება:
”ჩვენ მივმართავთ “კავკასიას” სრულიად უკანონოდ დაპატიმრებული ახალგაზრდების გათავისუფლების მოთხოვნით! მოვითხოვთ, რომ დაიხუროს “თავისუფლების ინსტიტუტი” – მანქურთების თავშესაფარი. გვაქვს საფუძვლიანი ეჭვი, რომ ტელეკომპანია “კავკასია” და “თავისუფლების ინსტიტუტი” შეთანხმებულად მოქმედებდნენ, რათა ხელისუფლებას უდანაშაულო, მართლმადიდებელი ახალგაზრდები [...]
“საქართველო და რუსეთი – ჩვენ ერთად ვიყავით და ვიქნებით”
Wednesday May 26, 20102010 წლის 25 მაისს, მოსკოვში, “მშვიდობისა და თანხმობის” ფედერაციის დარბაზში, “რუს და ქართველ ხალხთა ერთიანობის ფონდის”, საქართველოს ხალხთა მსოფლიო კონგრესის და რუსეთის ეროვნულ გაერთიანებათა კონგრესის ორგანიზებით გაიმართა მხატვრულ-ლიტერატურული საღამო
“საქართველო და რუსეთი – ჩვენ ერთად ვიყავით და ვიქნებით”.
დარბაზი დამსწრეებს ვერ იტევდა. საღამოს ესწრებოდნენ საქართველოსა და რუსეთის ლიტერატურის, კულტურისა და ხელოვნების გამოჩენილი მოღვაწეები, სამამულო ომის ვეტერანები და შრომის გმირები. საღამო მიჰყავდა “რუს და ქართველ ხალხთა ერთიანობის ფონდის” პრეზიდენტს, საქართველოს ხალხთა მსოფლიო კონგრესის ვიცე-პრეზიდენტს, პროფესორ ვლადიმერ ხომერიკს. საღამო ძალზე ამაღელვებელი აღმოჩნდა. მოსკოვში მცხოვრებ დიდი სამამულო ომის რუს და ქართველ მონაწილეებს გადასცეს საჩუქრები, ასევე ერეკლე მეორის საზოგადოების მიერ გამოცემული რუსულ-ქართული პოეტური ალმანახი “სამარადისო დიდება გმირებს: 65 წელი”. საღამოს ყველა წევრმა მიიღო მეორე პოეტური ალმანახი „აკაკი წერეთელი და მიხეილ ლერმონტოვი“ და რუსულ-ქართული გაზეთი „ერეკლეს გზა“, რომლებიც ასევე ერეკლე მეორის საზოგადოების მიერაა გამოცემული საქართველოს ხალხთა მსოფლიო კონგრესის პრეზიდენტის, ალექსანდრე ებრალიძის მხარდაჭერით.
დამსწრე საზოგადოება აღფრთოვანებით შეხვდა ქართულ ცეკვებს. აჭარულ, აფხაზურ და ოსურ ცეკვებს ასრულებდა ილიჩევსკის რაიონის ქართული შემოქმედებითი [...]
თხოვნა პატრიარქს
Saturday May 15, 2010ჩვენი მკითხველებისთვის კარგადაა ცნობილი ის სამწუხარო მოვლენები, რომლებიც განვითარდა ტელეკომპანია “კავკასიის” სტუდიაში. ამასთან დაკავშირებით ერეკლე მეორის საზოგადოებამ და ევრაზიის ინსტიტუტმა შეიმუშავეს მიმართვა საქართველოს კათოლიკოს-პატრიარქისადმი, რომელსაც ქვემოთ გთავაზობთ. მიმართვა ღიაა ხელმოსაწერად სხვა ორგანიზაციებისთვის და კერძო პირებისთვის. შეგროვილი ხელმოწერების გადაცემა საპატრიარქოში მოხდება ამა წლის 18 მაისს, დღის 13 სთ-ზე.
სრულიად საქართველოს კათოლიკოს-პატრიარქს,
უწმინდესსა და უნეტარეს ილია მეორეს
თქვენო უწმინდესობავ,
თქვენთვის ცნობილია ტელეკომპანია ”კავკასიის” სტუდიაში ამას წინათ განვითარებული მოვლენები, რომელთა მიზეზით რამდენიმე ახალგაზრდა მართლმადიდებელი პოლიციამ დააკავა და მათ სასამართლოს ძალით სასწრაფო წესით ორთვიანი წინასწარი პატიმრობა შეეფარდათ. მოგეხსენებათ, რომ ეს ახალგაზრდები თავიანთ მეგობრებთან ერთად აღაშფოთა იმ უმსგავსო საქციელმა, რომელიც წმიდა ილია მართლის სახელის მატარებელი სახელმწიფო უმაღლესი სასწავლებლის ხელმძღვანელობამ იკადრა – ტრიბუნა დაუთმო ამპარტავნებით შეპყრობილ ღვთის მგმობელებს მათი უხამსი და უნიჭო ნაწერების ტირაჟირებისათვის. ჩვენ არ ვიცით, კონკრეტულად რა მოხდა ”კავკასიის” სტუდიის მიღმა, სადაც შეხლა-შემოხლასა და ფიზიკურ დაპირისპირებას ჰქონია ადგილი. ჩვენ ის ვიცით, რომ იქ მყოფი ახალგაზრდები უიარაღოდ იყვნენ და არც არავის მიუღია სხეულის მძიმე დაზიანება. ამას კერძო საუბრებში ადასტურებენ [...]
რუსულ-ქართული პოეტური ალმანახის – “სამარადისო დიდება გმირებს” – პრეზენტაცია
Friday May 7, 2010ოთხშაბათს, 5 მაისს, რია ნოვოსტის თბილისის ოფისში ერეკლე მეორის საზოგადოებამ გამართა რუსულ-ქართული ალმანახის – ,,სამარადისო დიდება გმირებს: 65 წელი” – პრეზენტაცია. ალმანახში შესულია გამოჩენილი რუსი და ქართველი პოეტების ნაწარმოებები.
შეხვედრას, რომელიც ფაშიზმზე გამარჯვების 65-ე წლისთავს მიეძღვნა, მონაწილეობდნენ დიდი სამამულო ომის ვეტერანები, საზოგადოების წევრები, ახალგაზრდები.
დამსრე საზოგადოებამ ფეხზე ადგომითა და წუთიერი დუმილით პატივი სცა დიდ სამამულო ომში დაღუპულებს.
პრეზენტაციაზე სიტყვით გამოვიდა საზოგადოების თავმჯდომარე, ალმანხის მთავარი რედაქტორი, არჩილ ჭყოიძე. მან აღნიშნა, რომ დღეს საქართველოში ხდება იმ ადამიანთა ღვაწლის გაფერმკრთალება, ვინც დიდ სამამულო ომში იბრძოდა, თანაც დასძინა, რომ უფასურდება არა მხოლოდ ხსოვნა ამ ომის შესახებ, არამედ ანგრევენ მისი ხსოვნისადმი აღმართულ მემორიალებს. მან დამსწრეთ შეახსენა ქუთაისის მემორიალის დანგრევის შესახებ (სწორედ ამ მემორიალის ილუსტრაციაა ალმანახის ბოლო გვერდზე). მან ასევე აღნიშნა, რომ საქართველომ დიდი წვლილი შეიტანა ფაშიზმზე გამარჯვებაში. ფრონტზე 700 000 ადამიანი წავიდა, მათი ნახევარი უკან აღარ დაბრუნებულა. “საქართველოს შეუძლი იამაყოს იმ წვლილით, რომელიც მან მეორე მსოფლიო ომის დამთავრებაში შეიტანა” – თქვა მან და ყველას მოუწოდა ვეტერანთა პატივისცემისაკენ და [...]
პეტერბურგული ჩანაწერები
Friday Apr 30, 2010 1. საქართველოს ხალხთა საზღვარგარეთის დიასპორების მსოფლიო ფორუმის ჩატარების გეგმების შესახებ საქართველოს ხალხთა მსოფლიო კონგრესის ხელმძღვანელობამ ჯერ კიდევ გასული წლის დეკემბერში განაცხადა (გასაკვირია, რატომ აღმოჩნდა ეს მოულოდნელი ქართული მასმედიისთვის, რომელმაც ფორუმის ჩატარებამდე ჩვეული ისტერიით აუწყა მაყურებელს საქართველოსთვის ამ ფორუმის „დამანგრეველი“ მნიშვნელობის შესახებ). საქართველოს ხალხთა მსოფლიო კონგრესი და მისი პრეზიდენტი, ალექსანდრე ებრალიძე, კიდევ ერთხელ გახდა მთავარი პრობლემებიდან ყურადღების გადატანის საბაბი.
2.
ფორუმი ღია იყო ყველასთვის, ვინც მასში მონაწილეობის სურვილს დროულად გამოთქვამდა. კონგრესის საიტიდან ონლაინში იყო შესაძლებელი მონაწილის ანკეტის შევსება და დარეგისტრირება, და ყოველივე ეს 10 აპრილამდე უნდა მომხდარიყო. თუმცა ზოგიერთმა არასამთავრობო ორგანიზაციამ (მათ შორის ჩვენმაც) და საზოგადო მოღვაწემ პირადი მიწვევაც მიიღო. ფორუმამდე რამდენიმე კვირით ადრე საქართველოს საელჩოებმა საზღვარგარეთ გამზადებული ტექსტი მიიღეს (იხ. კონგრესის საიტზე), რომლითაც საზღვარგარეთ მცხოვრებ ქართველებს ყველაზე მუქ ფერებში უხატავდნენ მომავალ ფორუმს და კატეგორიულად „სთხოვდნენ“ მონაწილეობა არ მიეღოთ მასში. მიუხედავად ამისა, მრავალმა მსურველმა მასში მონაწილეობის მიღება მხოლოდ იმიტომ ვერ მოახერხა, რომ მონაწილეთა რაოდენობის ლიმიტი ფორუმის დაწყებამდე რამდენიმე დღით ადრე ამოიწურა. საბოლოოდ [...]
არ ვიცხოვროთ სიცრუით. სოლჟენიცინი
Thursday Apr 29, 2010ავიგდორ ესკინი
ალექსანდრე სოლჟენიცინი, გარდაცვალებამდე ცოტა ხნით ადრე, ჟურნალისტ ალექსანდრე საკუროვს ესაუბრა (http://smotri.com/video/view/?id=v1367012839f). აშკარად იგრძნობა ჟურნალისტის დამოკიდებულება და ნერვიულ-სენტიმენტალური სარეველები. დრო და დრო იგი იყენებდა „ვარსკვლავებთან“ საუბრისთვის დამახასიათებელ იაფფასიან ხერხებს, მაგალითად, როგორც კირკოროვთან ან მოისეევთან ისაუბრებდა. ეს განსაკუთრებით მაშინ გამოჩნდა, როდესაც ცდილობდა მწერლისაგან გაეგო რა ფერები უყვარდა დედამისს.
მაგრამ საუბრის ბოლოს საკუროვს გულმა მარადიულისკენ გაუწია. მან მწერალს ჰკითხა: „რა ზემოქმედებას ახდენს ბიბლიური ტრადიცია ლიტერატურაზე?“. სოლჟენიცინი ჩაფირქდა: „უნდა გავარჩიოთ ბიბლიური ტრადიცია ევანგელესგან“. შემდეგ აღნიშნა, რომ ასეთი ზემოქმედება ზოგჯერ გაუცნობიერებლად ხდება. ხოლო შემდეგ ამგვარად უპასუხა: „ნუ დაგავიწყდებათ, რომ ქრისტიანობა იუდაიზმისგან იმით განსხვავდება, რომ იგი პირდაპირ გზას ამყარებს იმქვეყნიურ ცხოვრებასთან, ხოლო იუდაიზმი იმქვეყნიურ ცხოვრებას სულაც არ აღიარებს. სულაც არა. და აი ეს არის მათ შორის ყველაზე დიდი განსხვავება“.
ინტერვიუს ამ ნაწილს მე რამდენჯერმე მოვუსმინე და საკუთარ ყურებს არ ვუჯერებდი. მინდოდა მეყვირა: „ეს შეუძლებელია!“. მაგრამ, როგორც ჩანს, შეიძლება ასეთიც მოხდეს. გასული საუკუნის უდიდესი მწერალი და პროგრესულად მოაზროვნე ადამიანი ისეთ უვიცობას იჩენს, რომელიც დაუშვებელია მოზარდისთვისაც კი, რომელიც თეოლოგიის [...]
